Euro Colleague
Bucen Kozjak
20. 11. 2016 21:36

Мартија е наш победник иако заврши на 12. место

Мартија е наш победник иако заврши на 12. место

Македонската претставничка Мартија Станојковиќ освои 12. место на детскиот Евросонг, кој вечерва се одржа во Валета, Малта.

Мартија имаше одличен настап со песната "Љубовта нè води" од авторот и продуцент Александар Масевски. Таа настапи седма по ред, но не доби доволен број на гласови за да се пласира меѓу првите пет. Сепак нашата публика ја смета за победник бидејќи достојно ја претстави Македонија.Победи песната од Грузија, која освои 156 гласови.

Поради забраната од ЗАМП за емитување на македонска музика, песната на Мартија не ја доби заслужената промоција кај нас.

На годинашниот јуниорски Евросонг настапија деца од 17 европски земји.

Кумановката Мартија, беше избрана за претставник на детскиот Евросонг откако на регионалното музичко шоу "Пинк ѕвездички" во Белград стекна голема популарност и го освои второто место.